شكرا للمهندس احمد عابد على متابعته للموضوع معانا , بس كنت اتمنى ان مشاركه حضرتك دى يبقى فيها أجابات للأسئله اللى سألت حضرتك عليها , لأنها كانت هتفيدنا اوى فى الموضوع بتاعنا ده.

بالنسبه لأسامه:-
بص ياعم اسامه مبدأيا مش معنى انك مبتخدش كورسات يبقى تنكر ان فيه حاجات غلط بتحصل فى الموضوع ده , وانت بنفسك اقريت فى المشاركه بتاعت سنه تالته انها مشكله خطيره ولازم كلنا نتكاتف لحلها , والسنادى مشاركتك بتقول ان الامور كلها تمام التمام , طيب هل تنكر وجود طلبه من فئه شخصيه سمسم عندنا فى الدفعه وفى تالته وفى تانيه وفى اولى ؟؟ اكيد لأ , ولنفترض ان مفيش عندنا فى الدفعه الفئه دى ((والافتراض ده غير صحيح)) هل ده معناه اننا نقول ان الحياه وردى والموضوع تمام ونسكت احنا بقى اكبر طلبه فى القسم اللى كلها كام شهر ونتخرج ؟؟ لأ مفروض اننا لو شايفين ان فيه حاجه غلط او سلبيه فى القسم كله من اولى لحد رابعه نساهم فى حلها ككجزء من رد الجميل بتاع القسم علينا واكيد انت بتحب القسم وبالتالى فده بيتطلب منك ومنى ومن كل اللى بيحبوا القسم انهم يشاركوا فى حل اى مشكله او قضيه سلبيه شايفينها.

بالنسبه لأن كلامك ده شهاده حق , فالموضوع ملوش علاقه بالنقطه دى اصلا لأننا بناقش حاجه تانيه وهى الفساد الطاغى اللى فى جانب الكورسات , اما عن شهادتك فى حد ذاتها فهى شئ يرجعلك انت واختلاف حد معاك فيها ده مش معناه انه عاوز يجبرك على انك تقول حاجه عشان تعجبوا , لأ لكل واحد فينا حق انه يعرض وجه نظره والآخرين يتفقوا معاه او لا , وكونك عرضت وجه نظرك يبقى لازم تبقى قدها بأنك تتقبل اى اختلاف او نقد ليها متقولش لو حد اختلف معاك فيها ان دى شهاده حق تعرفوها ولا لأ ,, ده مينفعش لأن دى اهانه فى حقك انت اولا قبل متكون فى حق زمايلك اللى عقبوا عليك..


فى الاخير انا بشكر كل الاعضاء اللى تفاعلوا معانا ونعدكم بالمزيد فى هذه القضيه حتى نتغلب عليها ان شاء الله.

تقبلوا مرورى.

والله يا أخ اسامه بما انك عرفت شهادة الحق بعد سنه من مشاركتك فى الموضوع فا انا ان شاء الله قدامى حوالى 361 يوم او 362 -لو سنه كبيسه - علشان أعرفها.

قتل ايه وطاغى ايه ؟؟؟
ايه ياعم الكلام دا .............
وبعدين مش "الناس" قالولك "شهادة حق" وان كلو تحت السيطره عايز ايه انت بقى؟؟؟؟؟؟؟

أولا بحييك يا بشمهنس ع الموضوع الجامد ده...
اسباب الكورسات 2
1-الطلبه :لأنهم أتعودوا ع الدروس من الأبتدائ
مبيحضروش أو بيحضروا ومابيركزوش وإن حضروا وركزوا مابيذكروش
بيتحرجوا يسألوا "وانا منهم" ياريت لوحدعارف حل يقولى عليه

2-الدكاترة والمعيدين: لما بتسألهم داخل المحاضره أ,السكشن بيحرجك ويحسسك انك عبيط وزمايلك يضحكوا
عليك مع انهم زيك.اما فى الكورس بفلوسى() ولو غيبت حصه يسأل عليا تانى يوم
هو الأستاذ من دول لما يقعد ع تربيزة السفره ويجيبوله الشاى والكيك
هايبقى له كلمه ع العيال بعد كده /size]
[size=200]الكلام ده ع البعض
[size=150]دى إضافات لموضوعك ياباشمهندذ
واللى متفق معاك فيه والشخصيه الأخيره بشوفها كل يوم فى(محمد,أحمد,محمود,حسين,هانى,عباس)
وأعذرونى ع أى لفظ غير لائق/size]

اولا بحييك يا عبده جدا علي الموضوع الجامد ده واسف طبعا اني اتأخرت سنه علي الرد

وانا عن نفسي متفق معاك تماما في كل كلمه قلتها واحب ازود حاجه كل حته هيفضل فيها الحلو والوحش وكليتنا وقسمنا بالاخص اكيد فيه برده حلو واكيد احنا عارفينه واكيد برده فيه وحش واكيد من ضمنه المشكله دي واللي انا متأكد منه ان كل واحد بينه وبين نفسه عارف ان المشكله دي فعلا موجوده وان كان بيقول انها مش موجوده يبقي هو بيداري عن حاجه تخصه طبعا وهي مستفيد منها تماما يعني مش من مصلحته ان المشكله دي تظهر وان الطلبه يتكلمو فيها سوا كان طالب او اي حد شاطر او مش شاطر وطبعا شخصيه سيد موجوده في كل دفعه وكل قسم وكل كليه وكل جامعه يعني مش قسمنا بس
وبالنسبه للحول بجد مش عارف ايه الحل علشان الضمير يفوق لا البحر بيشبع ولا الميت بيصحي بس مش عارف هل هنسكت ونسيب المركب تمشي زي ما هي واهي كلها كام سنه ونسبها ولا نحاول معاها ولا ايه
وفي النهايه هوصل كلمتين للي بيحاول يخفي هذه الظاهره ( ياريت متحولش تخفي الواقع علشان فوائد شخصيه ليك لان اكيد في يوم هيتقلب الواقع ده عليك وسعتها هتقول ياريتني قلت كلمه حق مش داريت علشان درجه زياده او قرشين زياده )

السلام عليكم و رحمة الله و بركاته
الحقيقة هى مشكلة خطيرة فعلا لكن السؤال اللى بساله لنفسى هى مشكلة لمين بالضبط؟
اعتقد اننا علشان نحل مشكلة لازم نعرف مين اكتر حد بيتضرر منها لان غالبا طرف الخيط حيبدا من عنده
هل مشكلة الكورسات هى مشكلة الطلبة اللى بياخدوا كورسات و لا المعيدين اللى بيدوا كورسات و لا الدكاترة و لا الطلبة اللى مبيخدوش كورسات؟؟؟
بالنسبة للطلبة اللى بياخدوا كورسات:
هم اللى بيدفعوا مبالغ كبيرة فى الكورسات الكتير و بيتضغطوا فى الوقت بسبب مواعيد الكورسات و فى الاخر ايه النتيجة ؟ ايه الفرق بينهم و بين زمايلهم ؟؟
بالنسبة للمعيدين اللى بيدوا كورسات:
من حق اى معيد انه يوسع فى عمله اذا مكنشى بيجبر حد انه ياخد عنده درس لكن اعتقد اننا متفقين ان معظم معيدين القسم اصحاب فضل علينا و مبيتاخروش عن اى حد عاوز اى حاجة داخل و خارج الشكاشن و بيعلمونا بمنتهى الوفاء و الاخلاص و مبيفرقوش ابدا بين الشرح فى السكاشن و فى الدروس ربنا يكرمهم ان شاء الله
بالنسبة للدكاترة:
فى رايي ان دكاترة القسم عندنا - اغلبهم- بفضل الله من انبل الدكاترة فى الكلية و معظمهم بيحاولوا انهم ميخلوناش نقع تحتح رحمة اعمال السنة و الكلام ده يعنى و كمان معظم الامتحانات بتيجى من المحاضرات و المصادر المتاحة للطلبة كلهم و الحمد لله طبعا
اما بالنسبة للطلبة اللى مبتخدش كورسات :
هم عاديين خالص اعتقد انهم معندهمش مشاكل اقصد يعنى مش مشاكل كبيرة منكرش انى فى بعض الاوقات من ضغط الامتحانات و المذاكرة بتمنى لو كنت باخد درس فى بعض المواد عشان اخد كم حصة افهم المسائل و اراجعها قبل الامتحانات استسهال يعنى لكن الحمد لله كانت بتعدى و بنذاكر و بننجح الحمد لله و فكرة الدروس كانت بتختفى
فى ضوء الكلام ده كله - من وجهة نظرى المحدوده- بوجه دعوة لكل زمايلى و زميلاتى اللى بياخدوا دروس لانى شايفة انهم اكتر حد بيتضرر فعلا يعنى هم اصحاب المشكلة و هم ايضا ابطال الحل انهم يكتبوا الاسباب اللى بتخليهم ياخدوا دروس مهما كانت بسيطة او تقليدية فى رايهم حتى لو حتقولوا "كده!" المهم نتشارك و نتناقش فى الاسباب دى و نوصل كلنا لحل - ده بعد اذن البشمهندس عبد الخالق صاحب الموضوع طبعا-
و فى النهاية اتمنى لنا جميعا التوفيق باذن الله

لا إله إلا الله
بالنسبة للأخ اللى قال الكلام ده يعنى معنى كلامه لما تنتشر حاجه وحشه فى المجتمع يبقى دى خلاص أصبحت مشروعه يعن لما الظلم ولا السرقة إنتشرت بيقى كده خلاص موضوع عادى ومشروع ولا إيه؟
بالنسبه للموضوع زى البشمهندسه هاجر ما قالت فى ناس بجد بتبقى محتاجة الكورسات دى قوى
بس بالنسبه للمعيد من خلال شغله هوه اللى بيحدد مشروعيته من عدمه يعنى لما يكون المعيد شغال تمام فى الكليه وبيعامل ربنا فى كل حاجه وضميره صاحى وبيدى كورسات للناس اللى محتاجه فعلا يبقى ده مشروع
إنما أما يكون منفض للساكشن وتلاقى ناس مش بنشوفها غير على الإمتحانات وجايبه درجات كويسه واللى بيحضر أقل بكتير يبقى ده اللى غير مشروع